భారతదేశం అంతటా తీవ్రమైన వేడి తరంగాలు వీస్తున్నందున వేసవి వేడి వల్ల ప్రభావితమయ్యేవి శరీర భాగాలలో అత్యంత ముఖ్యమైన కళ్లు. ఉష్ణోగ్రత పెరిగేకొద్దీ, ఇది కంటి అలెర్జీలకు దారితీస్తుంది. దీని వల్ల కనురెప్పల వాపు, బాక్టీరియల్, వైరల్ కండ్లకలక వంటి సమస్యలు ఎదురయ్యే అవకాశం ఉంది. కాబట్టి ఈ వేసవి వేడి ప్రభావం నుండి కళ్ళను రక్షించుకోవడానికి మార్గాలేంటో ఇప్పుడు చూద్దాం.
కళ్లు హైడ్రేటెడ్గా ఉండేలా చూసుకోండి
వేసవి కాలంలో కళ్ళు పొడిబారడం ఒక సాధారణ విషయం. వేసవిలో పెరుగుతున్న వేడి, గాలులతో తీవ్రమైన నిర్జలీకరణం, కళ్ళలో చికాకును కలిగిస్తాయి, తరచుగా కంటి పొడి పరిస్థితికి దారి తీస్తుంది. అందువల్ల రక్షిత కన్నీళ్లను ఉత్పత్తి చేయడంలో మీ శరీరానికి సహాయపడే తగినంత మొత్తంలో ద్రవం అవసరం. మితిమీరిన ఆల్కహాల్, కెఫిన్ తాగడం వల్ల శరీరంపై ప్రతికూల ప్రభావం ఉంటుంది. కాబట్టి ఎంత తక్కువగా ఉంటే అంత మంచిది.
ఈత సమయంలో మీ కళ్ళను రక్షించుకోండి
ఈత కొలనులలో ఎక్కువగా కనిపించే క్లోరిన్ మీ కళ్ళకు హాని కలిగిస్తుంది. అందువల్ల మీరు క్లోరిన్ ఎక్స్పోజర్ కారణంగా వాపు, మంట, దురద నుంచి మీ కళ్ళను రక్షించుకోవడానికి స్విమ్మింగ్ గాగుల్స్ ధరించడం మంచిది.
కంటి చుక్కలతో కళ్లను హైడ్రేట్ గా ఉంచండి
మీ చర్మానికే కాదు, మీ కళ్ళకు కూడా కృత్రిమ కన్నీటి చుక్కల (ఐ డ్రాప్స్) ద్వారా తేమను అందించడం చాలా అవసరం. ఎలక్ట్రానిక్ పరికరాల నుంచి ఉత్పన్నమయ్యే నీలి కిరణాల నుంచి రక్షణ పొందేందుకు ఇవి అత్యవసరం. పెరుగుతున్న కాలుష్య స్థాయిలు, పెరుగుతున్న డిగ్రీలతో, వేసవిలో నిర్జలీకరణం అనుభూతి చెందడం స్పష్టంగా కనిపిస్తుంది. ఈ తీవ్రమైన నిర్జలీకరణం శరీరం కన్నీళ్లను ఉత్పత్తి చేయడం కష్టతరం చేస్తుంది. ఇది క్రమంగా ఇతర దృష్టి సమస్యలకు దారితీస్తుంది.
మీ కళ్లను రుద్దకండి
కంటి ఆరోగ్యానికి చేతి పరిశుభ్రతను పాటించడం తప్పనిసరి. మన చేతులతో కళ్లను పలు మార్లు రుద్దడం సాధారణంగా చాలా మంది చేస్తుంటారు. కానీ ఇది కంటికి ఇన్ఫెక్షన్లకు కలిగిస్తుంది. మీ చేతులను పూర్తిగా కడుక్కోవడం ద్వారా, మీరు కండ్లకలకతో సహా చాలా అంటువ్యాధుల నుండి కళ్ళను రక్షించుకోవచ్చు. ప్రత్యేకించి లసిక్, క్యాటరాక్ట్ సర్జరీ లేదా గ్లాకోమా షంట్ సర్జరీ వంటి కంటి శస్త్రచికిత్స వంటి సందర్భాల్లో, కళ్ళు ఇన్ఫెక్షన్కు ఎక్కువ అవకాశం ఉంది. మీ కళ్ళకు చికిత్స చేసే ముందు చేతులు కడుక్కోవడం మంచిది. వాటిని పూర్తిగా రుద్దడం మానుకోండి.
