మహేశ్వరం నియోజకవర్గం MAHESWARAM

మహేశ్వరం నియోజకవర్గం:

డివిజన్లు : జి‌హెచ్‌ఎం‌సి పరిధిలోని సరూర్ నగర్,ఆర్ కె పురం డివిజన్

మున్సిపాలిటీలు;  బడంగ్ పేట్, మీర్ పేట్ కార్పొరేషన్లు,  జల్​పల్లి, తుక్కుగూడ
మున్సిపాలిటీలు

బీసీ, మైనారిటీ ఓటు బ్యాంకు ఈ నియోజకవర్గంలో కీలకం. ఆర్ కె పురం డివిజన్ తో పాటు సరూర్ నగర్ డివిజన్,జల్ పల్లి,తుక్కుగూడ మున్సిపాలిటీ,బాలాపూర్ మండలంలో అధికంగా మైనారిటీ ఓట్లు ఉన్నాయి.  జల్​పల్లి మున్సిపల్​ పరిధిలో ఎంఐఎంకు పట్టు ఉంది.

Maheshwaram Election Results 2018

Sitting and previous MLAs

ఎమ్మెల్యే : సబితా ఇంద్రారెడ్డి (టీఆర్‌ఎస్‌)
కాంగ్రెస్​ నుంచి గెలిచి టీఆర్​ఎస్​లో చేరారు

గత అసెంబ్లీ ఎన్నికల్లో ఇక్కడ టీఆర్​ఎస్​ ఓడిపోయింది. టీ‌ఆర్‌ఎస్ సిట్టింగ్ ఎమ్మెల్యే తీగల కృష్ణారెడ్డిపై కాంగ్రెస్ అభ్యర్ధి పటోల్ల సభితఇంద్రారెడ్డి 9227 ఓట్ల మెజారిటీతో గెలిచారు.

2019 మార్చిలో సబితా ఇంద్రారెడ్డి కాంగ్రెస్​ నుంచి టీఆర్​ఎస్​లో చేరారు. అదే ఏడాది కేసీఆర్​ కేబినెట్​లో  ఎడ్యుకేషన్​ మినిస్టర్​గా బాధ్యతలు చేపట్టారు.

వైఎస్​ఆర్​ హయాంలో సంక్షేమ పథకాల ప్రారంభానికి చేవెళ్ల సెంటిమెంట్​ సెగ్మెంట్. చేవెళ్ల చెల్లెమ్మగా అప్పుడు రాష్ట్రమందరికి సుపరిచితమైన సబితా ఇంద్రారెడ్డి ఇప్పుడు టీఆర్​ఎస్​లో మంత్రిగా ఉన్నారు. అధికార పార్టీ ఇచ్చిన హామీలు నెరవేర్చకపోవడంతో సొంత సెగ్మెంట్ లో మంత్రిపై కొంత వ్యతిరేకత ఉంది.

టీడీపీ నుంచి టీఆర్​ఎస్​ లో చేరిన మాజీ ఎమ్మెల్యే తీగల కృష్ణారెడ్డి యాక్టివ్​గా ఉన్నారు. ఆయన కోడలు తీగల అనితరెడ్డి జిల్లా జెడ్‌పి ఛైర్మన్ గా ఉన్నారు. మీర్​ పేట డిప్యూటీ మేయర్​ గా ఉన్న తీగల విక్రమ్​రెడ్డి టీఆర్​ఎస్ లో కీలకమైన లీడర్​గా పేరు తెచ్చుకున్నారు. 2014లో టి‌ఆర్‌ఎస్ నుండి పోటీ చేసిన కొత్త మనోహర్ రెడ్డి కూడా టీ‌ఆర్‌ఎస్ లోనే ఉన్నారు.

బడంగ్ పేట్ కార్పొరేషన్ మేయర్ పారిజాత (చిగురింత నర్సింహరెడ్డి భార్య) అసంతృప్తితో ఉన్నారు. (ఈమె  కాంగ్రెస్​ నుంచి గెలిచి మేయర్​ పదవి కోసం టీఆర్​ఎస్ లో చేరారు.) తుక్కుగూడ మున్సిపల్​ ఛైర్మన్ గా ఉన్న​ కె. మధు మోహన్​  బీజేపీ రెబెల్​గా పోటీ చేసి గెలిచారు. ఛైర్మన్​ సీటు ఇస్తామని ఆశజూపడంతో  టీఆర్​ఎస్​ లో చేరారు. జల్​పల్లి మున్సిపాలిటీ ఎంఐఎం అధీనంలో ఉంది. అబ్ధుల్లా మహద్​ సాదీ ఛైర్మన్​గా ఉన్నారు.  

ఈ నియోజకవర్గంలో కాంగ్రెస్​కు బలమైన కేడర్​ ఉంది. కానీ చెప్పుకోదగ్గ లీడర్లు లేరు. డీసీసీ సి ప్రెసిడెంట్ చల్లా నర్సింహారెడ్డి,ఆర్ కె పురం డివిజన్ నాయకులు దేప భాస్కర్ రెడ్డి  కాంగ్రెస్ నుంచి వచ్చే ఎన్నికల్లో టికెట్​కు పోటీ పడుతున్నారు.

బీజేపీ నుండి అందెల శ్రీరాములు యాదవ్​ గత ఎన్నికల్లో ఇక్కడే పోటీ చేసి 52వేల ఓట్లు సాధించాడు. సరూర్​నగర్​, ఆర్​కేపురం డివిజన్లలో బీజేపీ బలంగా ఉంది.  ఈ రెండు డివిజన్లలో బీజేపీ కార్పొరేటర్లలో గెలిచారు. ఆర్‌కే పురం డివిజన్ లో వరుసగా రెండోసారి రాధాధీరజ్ బీజేపీ నుంచి గెలిచారు. ధీరజ్ రెడ్డి మహేశ్వరం నియోజకవర్గ బీజేపీ కన్వీనర్​. మాజీ మంత్రి దేవేందర్ గౌడ్ తనయుడు వీరేందర్ గౌడ్,ఆర్ కె పురం కార్పొరేటర్ రాధ భర్త ధీరజ్ రెడ్డి,రంగారెడ్డి జిల్లా అర్బన్ వైస్ ప్రెసిడెంట్ ఉపేందర్ రెడ్డి బీజేపీలో యాక్టివ్ గా ఉన్నారు.

బీఎస్​పీ కూడా ఇక్కడ బోణి కొట్టింది. ఆర్ఎస్ ప్రవీణ్ కుమార్ పార్టీలో చేరకముందే బడంగ్ పేట్ డిప్యూటీ మేయర్ స్థానం బీఎస్​పీ దక్కించుకుంది. ఇక్కడి డిప్యూటీ మేయర్​ ఇబ్రమ్ శేఖర్ ఆ  పార్టీ రాష్ట్ర కార్యవర్గ సభ్యులుగా ఉన్నారు.