లక్షలాది మంది ప్రజలు పూరీని సందర్శించే అత్యంత ప్రసిద్ధి మతపరమైన పండుగలలో పూరీ జగన్నాథ రథయాత్ర ఒకటి. రథయాత్ర సమయంలో, జగన్నాథుడు తన సోదరి సుభద్ర, సోదరుడు బలరాంతో కలిసిపూరి జగన్నాథ్ ఆలయం నుండి గుండిచా మందిరాన్ని సందర్శించడానికి బయలుదేరారు.
అయితే ఒడిశాలోని పూరీలో ఉన్న జగన్నాథ ఆలయం, విష్ణువు రూపమైన జగన్నాథునికి అంకితం చేయబడింది. ఇది దేశంలోనే అత్యంత ప్రసిద్ధి, పవిత్రమైన హిందూ దేవాలయాలలో ఒకటి. ఈ ఆలయంతో పాటుఅందమైన ఒడిశా రాష్ట్రంలో చూడవలసిన మరికొన్ని ప్రదేశాలు ఏంటో ఇప్పుడు చూద్దాం.
- ఒడిశా రాజధాని భువనేశ్వర్ చరిత్ర వారసత్వం, పట్టణీకరణకు ఒక అద్భుతమైన ఉదాహరణ. ఈ ప్రదేశంలో అద్భుతమైన దేవాలయాలు, వన్యప్రాణుల అభయారణ్యాలు, ఎన్నో గుహలు ఉన్నాయి.
- కోణార్క్ సూర్య దేవాలయంలోని చెక్కడాలు తప్పక సందర్శించవలసిన ప్రదేశం. ఇది అద్భుతమైన దేవాలయం. నగరంలో నిర్మలమైన కోణార్క్ బీచ్, బీచ్చంద్ర భాగా బీచ్, పురావస్తు మ్యూజియం, కోణార్క్ మ్యూజియం లాంటివి చాలా ఉన్నాయి.
- ఒడిశాలోని పాతకాలపు నగరంలో కటక్ ఒకటి. రాష్ట్ర వ్యాపార రాజధాని అయిన ఈ ప్రాంతం పురాతన కోటలు, సరస్సులు, మ్యూజియమ్ లు స్థానిక హస్తకళలకు ప్రసిద్ధి చెందింది.
- గోపాల్ పూర్ బీచ్ బ్లూ వాటర్ బీచ్, ఆలీవ్ రిడ్లీ.. సముద్ర తాబేలకు ప్రసిద్ధి చెందిన ప్రదేశం.
- జైపూర్ నగరాన్ని సిటీ ఆఫ్ విక్టరీ అని పిలుస్తారు. దీన్ని సూర్య వంశీ రాజవంశం ఏర్పాటు చేసింది. ఈ నగరం దట్టమైన అడవులు, అందమైన పొగ మంచు లోయలు, జలపాతాలు, సున్నపురాయి, గుహలు దేవాలయాలు, రాజభవనాలతో అలంకరించబడి ఉంటుంది.
- ఒడిశా గ్రామీణ జీవితం, పట్టణ చిత్రం అనే వారి లలిత కళా సంస్కృతి గురించి తెలుసుకోవడానికి రఘురాజ్పూర్ అనువైన ప్రదేశం. తాళపత్ర శాసనాలు, రాతి చెక్క కట్టడాలు, పేపియర్ మార్చే, సోదాయ్ వర్క్, మ్యూరల్ పెయింటింగ్స్, చెక్క ఆవు పేడ బొమ్మలు, ఫిలిగ్రీ, ఆప్లిక్, క్రాఫ్ట్ వస్తువులను సృష్టిస్తారు.
