అలోవెరా వల్ల అనేక ప్రయోజనాలున్నాయని వేల సంవత్సరాల నుండి చాలా మందికి తెలుసు. దీన్నుంచి తీసిన రసం ఔషధ గుణాలను కలిగి ఉంటుంది. అంతేకాదు అనేక సౌందర్య ఉత్పత్తులలోనూ దీన్ని విరివిగా ఉపయోగిస్తారు. కలబంద మొక్క ఆకులలో కనిపించే జెల్ విటమిన్లు, ఖనిజాలు, క్రియాశీల సమ్మేళనాలతో సహా వివిధ పోషకాలను కలిగి ఉంటుంది.
కలబంద ఉపయోగాలు :
రోగనిరోధక శక్తిని పెంచుతుంది – అలోవెరాలో రోగనిరోధక వ్యవస్థను మెరుగుపర్చే సమ్మేళనాలు ఉన్నాయి. ఇది వైరస్లు, బ్యాక్టీరియా, ఇతర వ్యాధికారక క్రిములతో శరీరం పోరాడటానికి సహాయపడుతుంది. అంతే కాదు ఇది శరీరంలో మంటను తగ్గించడంలో సహాయపడుతుంది. బలమైన రోగనిరోధక వ్యవస్థకు దోహదం చేస్తుంది.
జీర్ణ సంబంధిత వ్యాధులకు – అలోవెరా జీర్ణ సంబంధిత వ్యాధులకు మంచి ఔషధంగా పనిచేస్తుంది. ఇది ప్రేగులలో మంటను తగ్గిస్తుంది, జీర్ణక్రియ పనితీరును మెరుగుపరచడానికి, మలబద్ధకం నుంచి ఉపశమనానికి, ప్రకోప ప్రేగు సిండ్రోమ్ లక్షణాల నుంచి ఉపశమనానికి కూడా కలబంద రసం సహాయపడుతుంది.
జుట్టు సంరక్షణకు – కలబంద జుట్టుకు చాలా మేలు చేస్తుంది. ఇది జుట్టును బలోపేతం చేయడంలో సహాయపడుతుంది. జుట్టు చిట్లిపోకుండా, పెరుగుదలను ప్రోత్సహిస్తుంది. దీనిని నేరుగా తలకు పూయవచ్చు,
చర్మ సంరక్షణ- అలోవెరా జెల్ చర్మానికి అద్భుతమైన మాయిశ్చరైజర్‌గా పనిచేస్తుంది. దీన్ని లోషన్లు, క్రీమ్‌లు, మాయిశ్చరైజర్‌ ఉత్పత్తులలో ఉపయోగిస్తారు. ఎందుకంటే జిడ్డైన అవశేషాలను వదలకుండా చర్మాన్ని హైడ్రేట్ చేసే సామర్థ్యం దీనికి ఉంటుంది. అంతే కాదు చర్మ సంబంధ ఇన్ ఫెక్షన్లు, మంటలను తగ్గిస్తుంది.
గాయం నయం – కలబంద ఒక సహజ క్రిమినాశనిగా పని చేస్తుంది. కాలిన గాయాలు, ఇతర గాయాలు మానేందుకు కలబంద సహాయపడుతుంది. ఇది మాత్రమే కాదు, ఇందులోని యాంటీ బాక్టీరియల్, యాంటీ ఇన్ఫ్లమేటరీ లక్షణాలు ఇన్ఫెక్షన్ ప్రమాదాన్ని తగ్గిస్తాయి.
నోటి సంబంధ వ్యాధులకు- కలబంద.. నోటీలో వాపులను తగ్గించడంలో సహాయపడుతుంది. నోటిలోని బ్యాక్టీరియాతో పోరాడి, ఆరోగ్యంగా ఉండేలా చూస్తుంది. కావిటీస్, చిగుళ్ల వ్యాధి. నోటి దుర్వాసనను నివారించడానికి కలబందను టూత్‌పేస్ట్స మౌత్ వాష్‌లలోనూ ప్రముఖంగా ఉపయోగిస్తారు.
మధుమేహం – మధుమేహం ఉన్నవారికి, కలబంద అనేక రకాలుగా ఉపయోగపడుతుంది. ఇది వారిలో రక్తంలోని చక్కెర స్థాయిలను నియంత్రించడంలో సహాయపడుతుంది. ఇన్సులిన్ సెన్సిటివిటీని మెరుగుపరుస్తుంది.
కలబంద అనేది ఒక బహుముఖ ఉపయోగకారిగా పనిచేస్తుంది. ఆరోగ్యం, అందం లాంటి పలు అవసరాల కోసం కలబంద మంచి మెడిసిన్ గా ఉపయోగపడుతుంది. దీన్ని రసం, క్యాప్సూల్స్ లేదా జెల్ వంటి వివిధ రూపాల్లో తీసుకోవచ్చు. కానీ మీరు కలబందను ఇంతకు ముందు తినకుంటే దానిని తీసుకునే ముందు ఆరోగ్య నిపుణులను సంప్రదించడం మంచిది.
